مواقف البنات بالمدرسهـ

...............................................
في وحدة من البنات تقول:
في يوم من الأيام كانت معلمة الكيمياء علينا دخلت الفصل وكانت حامل
المهم حنا كنا مندمجين مع حل الواجب كانت تحله على السبوره والفصل هادي بس من صوتها وهي تشرح

وكان باب الفصل مغلق ماوعينا إلا بنت صرخت صرخه خفيفه وقامت البنت إلي بجنبها وصرخت صرخه قويه

المعلمه خافت والبنات بعد وقاموا البنات كلهم وجلست المعلمه تفتح الباب عشان تطلع وكل ماتفتح الباب

ضرب البنت اللي وافقه وراء الباب ويسكر والبنات يصارخون والأقلام تطاير بالجو وأنا وشلتي جالسين نتفرج ماندري وش السالفه والبنات بسرعه يطلعون وبصرخون وحنا ماندري قمنا وراهم وجلسنا نصارخ وطلعنا وراهم

وحنا ماندري وش السالفه المهم معلمتنا فيها سكر أنخفض عليها وطلعت المديره والمساعده والمعلمات والطالبات وسألونا وشفينا . راحت بنت أحضرت شوكولاته عشان المعلمه يوم جابتها صارت المده منتهيه

المهم دخلونا الفصل ومعلمة الكيمياء دخلوها غرفة الإداره جات المساعده عشان تعرف وش السالفه

توقعوا وش صاااااااار ؟؟؟؟؟؟؟

خنفساء صغيييييييييييييييير أصغر من النمله هههههههههههههههه

المساعده ماتت علينا من الضحك قالت سموا بالله وأقروا على نفسكم وضاعت الحصه بس جاتنا الحصه الخامسه

معلمة الكيمياء عشان تكمل الدرس ههههههههه الله يذكرها بالخير هالمعلمه

.................................................. .......................
ووحدة تقول عن اختها:اختي المهبولة مرة من الشطارة كان عندها اختبار و الاخت ما ذاكرت تقول الاستاذة دجة مخفة المهم راحت ذالك اليوم تغش من اللي جنبها و مع الغباء الزائد عن الحدود كتبت اسم اللي جنبها بس الحمد لله تداركت الوضع قبل لا تتوهق و عدا اليوم على خير

.................................................. .............

وذي تقول:
انا صارلي موقف محرج مع ابله علم النفس في آخر يوم دوام لي في المدرسه و آخر سنه قعدنا انا و رفيجاتي نستهبل شوي كل وحده معاها بطل ماي و نكت على بعض لان ما كانت عندنا حصص مثل ماقلت آخر يوم المهم
بينما كنا نكتكت في هالماي و طبعا كنا متغرقين حاولت رفيجتي تكت علي عاد انا وخرت من كان وراي هههههههههههههههههههه ابله علم النفس الماي ما حاشها كله بس شويه لانها شوي بعيده الابله شهقت احنا انصدمنا و ياليتنا خفنا قعدنا نضحك و نجي عند الابله نضحك و نقولها انا ما قصدنا بس اشوى انها كانت طيبه و لا كنا رحنا فيها
فعلا هذاك اليوم كنا قمه الفصله مو حاسين باعمارنا هههههههه
يا حلو المدرسه و ايام المدرسه ماكان ودي اطلع منها

.................................................. ...........................................
أنا ليه موقف مع معلمة الانجليزي
كان فيه معلمة أحبها بجنون ومرة من الايام أخذت قلم السبورة وجلست أكتب عنها وأمدح فيها وأشعار وكلا م كثير وبالاخير لمن جات تدخل الفصل شافوها البنات وجالسين ينادوني مسحي الكلام الابله جايه وأنا مثل الغبية والله قمة الاحراج شافت الكلام ابتسمت ووجهها حمر ياقلبي يسعدها وراحت بعدها حرمت أكتب السبورة

.................................................. .........................

مره سوينا مقلب في المعلمه الجديده حقت الانجليزي ..
تخبينا ( كل الفصل) تحت الطاولات .. وسكرنا اللمبات والمكيف ..

ودخلت ع الفصل وكانت مستغربه .. حنا بدينا نطلع صوت خفييييف ( كل الفصل )

وبعدين كلنا طلعنا لها ونقول بووووو .. وجلسنا نضحك ..

عآد هي طلعت علطول وراحت تصيح >> ياحياتي ..

وراحنا نتأسف لها ورفضت وقالت ماراح ادخل الفصل مره ثانيه

وجلسنا نحاول فيها لما وافقت بس شرطت علينا اننا مانعيدها حتى على معلمه ثانيه
>> طيبه هالانسانه
وصرنا نقولها في الحصص تذكرين اول يوم تدخلين الفصل ونضحك ههههههههه
وهي تضحك

يلا وسلامتكم واذا عندكم شئ هاتو ,nbvc