سالفة مقهى الجنوب !

سالفة مقهى الجنوب !

السلام عليكم ورحمة الله وبركاته

يوم الخميس كان عندي اختبار ، وطبعا انتو عارفين (واللي مو عارف حيعرف ) ان مباراة الأتحاد والأهلي يوم الخميس برضو !!..
المهم .. كلموني الشباب انهم راح يشوفوا المباراة في المقهى !..
سألتهم في اي مقهى !!..
قالوا مقهي الجنوب!!..

قلت طيب..ووصفولي المكان ..

خلصت اختباري ..ورحت ..

المهم انه مقهي معفن ، وفي مكان مقطوع وفي آخر الدنيا !..ووصلت بشق الأنفس..
بصراحة استغربت ،ليش من بين كل المقاهي المحترمة (وطبعا مافي مقهى محترم .. لكنها مسألة نسبية !!)
المهم نرجع (لحديد) الموضوع ..

ليش من بين كل المقاهي المحترمة أختاروا هذا المقهي !!..
طبعا انا لأني غير مدخن .. ما تفرق معايا .. مقهي الجنوب.... مقهي الجني الأزرق .. المهم انه يكون مكان محترم .. نجلس فيه وننبسط .. ونشوف المباراة ..
لكن عند المدخنين .. مقهي الجنوب .. يعتبر نمبر ون !!.. والسبب هو خلطة المعسل السرية .. اللي يسويها المعلم (صداع) .. مشرف المقهي !..

الجميل في المقهي .. انه ( يلم ) !.
يعني تلاقي فيه جميع فئات المجتمع !!..

من (حثالة) القوم ... وحتى اساتذة الجامعات !!..
وعلى ذكر اساتذة الجامعات .. في مرة من المرات شفت دكتور يدرسني في المقهي ..ما شالله عليه .. (محرقة) .. يسحب النفس... و يعبي المكان دخان ..
كنت بغلط واقله : ازيك يا معلم !.. بس الحمدلله ان الجملة طلعت صح : ازيك يا دكتور !.

المهم .. الناس كلها تطالع .. وتسمع همس ..(دكتور!!.. دكتور!!... )

الدكتور : يا وله وطي صوتك ..عايز تفضحنــا !!..

نرجع لمقهي الجنوب !..

جاه المعلم (صداع) ياخذ الطلبات..

اللي طلب معسل واللي طلب جراك.. و ... و...
وصل لعندي.. طلبت شاي بالنعناع.. بدون سكر !..

شوية وجاه صداع ومعاه الطلبات .. ما شالله عليه .. اخطبوط .. شايل كل شئ بيدين !!..

جيت اشرب الشاي .. لقيته بسكر !
وانا انسان ما اطيق السكر في المشروبات !..

ناديت صداع .. وجاه بعد 30 سنة !!... وقلي نعم !!..
قلتله اني طلبت شاي بدون سكر... وانتا جايبة بسكر !!.. لو سمحت جيب شاي تاني !!..
قال طيب...

راح وغاب 5 سنين ... ورجع بالشاي !!..

قلت الحمدلله !!. اهم شئ انه جاه !!.. جيت اشرب الشاي ... لقيته مليان سكر!!... أبن الذين .. حاط كيس سكر في الشاي !!..

جلست انادي عليه : يا صدااااااااااع !!. يا صداااااااااع ..

جاه صداع بسرعة البرق (يعني بعد شهر ) ..

صداع : ايس كلام ؟؟؟

انا : انا مو قلتلك شاي بدون سكر ؟... ايش الشاي دا ؟؟..

صداع(بكل ثقة وبرود دم) : هازا شاي سكر زيادة !..

انا : الله يبتليك ببندول ياخذ اجلك !!!..

صداع :

المهم ..

طبعا استفدنــا من الموضوع..
اننا عرفنــا النظرية النسبية !!..
وان التدخين مضر بالصحة !!..

vd;l,