// أختصر .. ما عاد فيني باقي بقايا !؟
ما انت فاضي للأغاني العاطفية و الهدايا
منشغل عني بهمومك و انا مشغول بهواك
هي كذا دايم حظوظي . . ما صفت مرة معايا
إنت آخر حلم عندي . . لا تضيّعني معاك
جيت لك شايل طموح العمر . . صادق في النوايا
لو حياتي لك هدية و الله ماهي بمستواك
أرفض التوبة إذا كان الهوى بشرعك خطايا
راضي بنارك حبيبي . . ما أبي جنة سواك
مجلسك في وسط صدري و باقي الناس الزوايا
صرت محتل الصدارة في حياتي من غلاك
ما لها داعي العطور و مانت محتاج المرايا
سيّدي . . إمنح لغيرك فرصة ينافس حلاك
المآسي و ظلم ناسي و حزن قاسي في الحنايا
كنّها ليلة و عدّت . . الله يسعد لي مساك
اِختِصِر ما عاد فيني للصبر باقي بقايا
ما طلبت النور كلّه . . خلّني نجم بسماك
كيف أتنفس بدونك ؟؟ و انت في دمّي خلايا
باختصار . . بكل بساطة . . إنت تملكني امتلاك
بيني و بينك تشابُه في العيوب و في المزايا
لكن الفرق الأساسي . . إني مجنون بهواك
موضوع: // أختصر .. ما عاد فيني باقي بقايا !؟ 
الأحد يناير 25, 2009 7:06 pm
