رواية عيوني لك اقروووووها مرا خطيره وحلوه

السلام عليكم ورحمه الله وبركاته , ابدا معكم روايه كتبتها انا وصاحبتي (L)

صراحه اول مرا اكتب روايه و متحمسه اشوف ردودكم

معكم , ( ..عيون المحبه.. )



( البارت الأول )

ابطال روايتي ..

رغد , انسانه جميله بمعنى الكلمه عمرها 18 سنه محبوبه وطيوبه وجمالها طاغي لدرجه.. يضربون في عيونها الواسعه العسليه المثل , جسمها مفصل تفصيل طول وبياض و على كل هذا طول شعرها البني المقصقص لحد نص ظهرها دلوعه وطلباتها مجابه وخفيفه دم و وجهها طفولي وبرريئ ..

ابو رغد , يشتغل في شركه مع أخوه أبو خالد و متزوج ثنتين

الأولى , أم عبدالله توفت من قبل 8 سنين و عبدالله ولدها عمره 24 سنه

الثآنيه , اللي هي ام رغد ماعندها غيرها ومدلعتها لأبعد درجه

.......................

في المدرسه ..

ميـآر : رغد أقـول تتوقعين تنزل الرحمه عليهم و يعطونا اجازهـ ؟

رغد : أدعي ربك يحنن وزاره التربيه والتعليم

ميـآر : انشاءالله تلقيني اليوم عند السجادهـ

رغد : تسوين خير

ميار : بعد اختبار الفيزياء التبن هذا وش رايك نطلع نتغدى برا ؟

رغد : أوكـي بفرآيديز ..

........................

وهم رايحين بالطريق في سياره كابرس سوداء تلحقهم رغد شاكه فيها بس طنشت وصلوا ونزلوا , رغد : وش تبين أطلب لك .. ؟

ميـآر : أنـآ ستيك

رغد : أوكـي أنـآ كوردن بلو , أكسيوزمي كآن أي أوردر .. ؟

المصري : طبعاً تفضلي

رغد رفعت راسها و تنحت بعدين استوعبت انه مصري : هههههههه معليش ما انتبهت

المصري : لا مش مشكله عايزه أي ؟

رغد : أمم , ستيك نيويورك و كوردن بلو .. و أثنين ببسي ..

المصري : حاقه تانيا ؟

رغد : لا شكراً

المصري : 5 دقايق و هو عندك

تغدوا و طلعوا من المطعم

رغد أنصدمت !! قالت : مييييييييروووووو شوفي

ميـآر : وشو ؟

رغد : عرفتي نآيف ماغيرهـ هذاك آلأفرو آللـي سآفر يوزلندا ؟

ميـآر : إيييي آللـي خقيت معه يومـ وريتيني صورتـه ؟

رغد : إيييييي هذآ هو قدآمي بآلكآبرس !!

ميـآر تدور : وييين ؟ , إييييييييي آلسودآ ؟

رغد : إي يـآرب وش أسوي آلحين معقوله رجع

ميـآر بأستهبال : رغد وش رآيك نروح نكلمه و نسولف ؟

رغد : أقـوول انقلعي بس أنـآ مرتآعه منه لأني سحبت عليه وكلمت خويه وسافر عشآني أحسه لو شآفني بيكفخني هههههههه بس خله يجرب والله أمسح بوجهه الأرض

......................

سعود : أقـول نآظر آلثنتين ذولآ أمش نرقمهم أسمع أنـآ أبي آلطويلـه آللـي شنطتهآ زرقآء < يقصد رغد

نآيف ينآظره بنص عين : يآدلخ هذولآ آللـي لك سآعـه تمشي ورآهم بآلسيآره هذي رغد مآغيرهاا !!

سعود : أمآآآآآآآ , طيب وش نآوي تسوي

نآيف : آلخآينـه أنـآ أوريهآ

......................

رغد : أقـول هيه أمشي نآظري شوي و يآكلوني بعيونهم

ميـآر : طيب يـلآ

رجعوآ آلبيت , رغد أول مآدخلت لقت أخوهآ عبدآلله قدآمهآ

عبدآلله : مآشآءآلله توك ترجعين مـن آلمدرسـه .. ؟

رغد : لآ رحت تغديت بفرآيديز , ليـه .. ؟

عبدآلله : لآبس أسأل .. كثرت طلعآتك مآ تلآحظين .. ؟

رغد : لـو سمحت لآ تتدخل فيني أبـوي و أمي عآيشين آلحمدلله

عبدآلله : وأنـآ أخوك ولآ آمو مآلي عينك

رغد : أبعد عن طريقي آلحكي معك ضآيع

دخلت سلمت على أمهآ وابـوهآ وطلعت فـوق تنآم

أول مآ قآمت لقت مس كول حول 20 مـن نآيف خآفت بس كآبرت يعني وش بيسوي

جت بتحط آلجوآل بآلدرج إلآ دق

رغد بنفسهآ أففف ذآ مآ يطفش وش يبي ! قآلت : ألـوو .. !

نآيف وشوي وينفجر : أخيراً رديتي مآبغيتي

رغد بدون نفس : وش تبي دآق آلنآس نآييمـه فـي آلعصريـه وأنت تدقدق على خلق آلله

نآيف يستهزآء : لآ أجـل أسفين على آلأزعآج

رغد : ترآ بقفل أخلص قـول وش عندك .. ؟

نآيف : أسمعي أنـآ حبيتك مـن كـل قلبي حبيتك حب صآدق !! , ومآتوقعت انك خآينـه و جتني فترهـ و سآفرت برآ عشآن مآ أسمع ولآ كلمه تذكرني فيك ولآ أشوفك و لآ أسمع صوتك !! انا ما انام الا افكر فيك واقوم وافكر فيك ! معقولـه تخونيني مـع أعز أخويآي أنتي مخلوقـه مـن أيش ؟ , يعني مآتحبيني قـولي لي مو تسوين آلحركـه هذي ! , بس رآح تندمين كثييير يآ رغد على قد شعر رآسك و ..

رغد قلبهآ ببطنهآ بيطلع مـن كثر مآيدق بس كآبرت و قآطعته ببرود : أسمع يآحلو أعلى مآبخيلك أركبـه ولآ تقعد تهدد انـآ مو ملكك وبعدين أنـآ متى قلت لك أحبك .. ؟ هذي أنـآ مآقد نطقتها لأحد أستننى أحد يستآهل آلكلمـه هذي بس للأسف محد يستآهلهآ !!

كملت : يلآ عندك شي ثآني ولآ أقفل لأن أحس آلمكآلمـه مآلهآ دآعي

نآيف : أهآ أشوفك بكرآ في التحليه يآبنت أبـوك

رغد تتصنع آلبرود وأكثر من قبل : وإذآ مآجيت .. ؟

نآيف : وقتهآ أبـوك و عبدآلله يتفآهمون معك ..

رغد : هههههههااااي يآحبيلك وأنت تهدد أصلاً أنـآ جآيه أبشرك أنت مآهميتني

نآيف : زيين يآلله سلآم يآلحقيرهـ

رغد قفلت بوجهه قبل لآ تسمع منه أي كلمه ثآنيـه

نزلت تحت ..

رغد : بآبآ أبي تجيب لي أثنين بدي قآرد

أبـو عبدالله أستغرب : وليـه آلحين أول أجيبهم لك ومآتبينهم آلحين تبينهم ؟

رغد تخترع سالفه : أيي لأن وحدهـ بآلجآمعه سمعت أنهآ أنخطفت و خفت لأني لحآلي دآيـم بآلسيـآرهـ

أبـو عبدالله أقتنع وهو يبيهآ مـن آلله عشآن إذآ تأخرت يكون متطمن : أنشآءآلله بكلم لك بكرآ مـن آلصبح يكونون فـي آلبيت

رغد أرتآآحت : شكراً بآبآ – بآست رآسه – وطلعت فـوق غرفتها

أم رغد : وأنت شلون بتدبر لهآ بيوم وآحد !! .. ؟

أبـو عبدالله أبتسم : لآ تخآفين أدبر أهم شي بنتي تكون مرتآحه



.........................

نآيف : أسمع سعود بكرآ في آلتحليه أوكـي سوي آللـي قلت لك عليه ..

سعود : ولآ يهمك لآ تخآف مثل آللـي قلته

نآيف : زيين وآلله لآ أخليهآ تنسى أبـوهآ وأمهآ آللـي مدلعينهآ هه !



.......................



قعدت تنآظر آلتي في بطفش لمآ جآهآ آلنوم ونامت ..

في المدرسـه ..

رغد : ميـآر تخيلي نآيف آلتبن يقآله بينتقم و آليوم يبيني أروح آلتحليـه

ميـآر : وأنشآءآلله بتروحين ترآ مآ أستغرب منك شي ؟

رغد بخوف : أمم , أي بروح وش رآيك أنتي ؟

ميـآر أنصدمت : أنتي صآحيه وآلله لآ يروحون مستقبلك

رغد و فيها آلصيحه : بس لو مآرحت بيوصل لـ بآبآ وهو معه سكر وآلله خآيفـه أسوي كـل شي بس محد يزعل بـآبـآ

ميـآر حست بـ رغد : أمم , بس وآلله مو سهله ترآ

رغد : لآ قلت لبآبآ يجيب لـي أثنين بدي قآرد , وبقول لـ أحمد يجي و يجيب معه شلته

ميـآر : هههههههه مضبطه آلوضع .. بس وش بتقولي لـ أحمد

رغد : بقـوله هذآ وآحد نآشب لي وقعد يهددني وكذآ تعآل عشآن إذآ صآر شي

ميـآر : لآلآ أحمد مو لآزم أخآف تصير مشكلـه حرب عآلميه ثآلثه

رغد : إلآ أحسن يكون من طرفي أبي أصير مطمنه عمري وأخر مرآ يهدد بنت الراشد

ميـآر : أنـآ بجي معك وخلينـآ نجيب معنآ مرآم ..

رغد : هههههههه أحسه بيرتآع يقول حشى مآخلت أحد تعرفه إلآ جآبته معهآ

........................................

ركبت آلسيـآرهـ لكزس بيضآ وورآهآ سيـآرة آلبدي قآرد أودي كحلي وكلمت أحمد وقآلت خلي سيآرتك جنب سيـآرتي آلـ أودي ..

ميـآر : رغد بيشك نآيف إذآ شآف سيآرتين ورآك وبيدق ويقول خليهم يروحون ويقعد يهدد

رغد بثقه : هههههااي لآ تخافين أول شي خليتهم بعيدين شوي وجنب بعض يعني كلهم يشوفون سيارتنا مو ورا بعض و خليتهم يظللون السيارتين عشان مايبنون انهم شباب أو بدي قارد

مرآم : وآلله يآ رغد أنك مو هينه

.......................................

نآيف : هذي سيآرتهآ شف هنآك- ألتفت - شباب مثل ماقلت لكم أوكي ؟

الشباب مرا وحده : أوكي ..

عند آلأشآره وقفت سيآرت رغد وجنبهآ فآن كبير ,, آلبنآت كآنوآ يسولفون ولآ فجأه وآحد معضل نزل من الفان و كسر قزآز شبآك آلسوآق ويمسكه مع رقبته ويذبه بوسط الشارع ويركب وتصير الأشآرهـ خضرآ ..



· وش بيصير بآلبنآت وخآصه رغد .. !

· آلسوآق بيكلم أبـو رغد ولآ يسكت .. !

· آلبدي قآرد و احمد وشلته آلسيآرتين وش بيسوون .. ؟



( آلبآرت آلثآني )



عند آلأشآره وقفت سيآرت رغد وجنبهآ فآن كبير , آلبنآت كآنوآ يسولفون ولآ فجأه وآحد معضل نزل من الفان و كسر قزآز شبآك آلسوآق ويمسكه مع رقبته ويذبه بوسط الشارع ويركب وتصير الأشآرهـ خضرآ .. البنات انصدموا خلاص دمهم جمد ماعرفوا وش يسوون مشى العبد المعضل بسرعه طيران البنات خلاص يخافون من سرعته ولا يخافون من شكله ولا يخافون وش بيسوي فيهم مشتتين واللي تصيح واللي معد فيها حيل تتحرك اما رغد عرفت للموقف دقت على السواق ياخذ تكسي ويرجع البيت ولا ينطق بحرف و كلمت احمد والبدي قارد يجون من عكس الطريق اللي هو فيه و الفان جنبهم يمشي بس بأقل سرعه

رغد نطت قدام ومسكت جوالها وتكلمت وهي تصارخ : اسمع ان ماوقفت والله ثم والله ما ترجع بيتك سالم فاااهم

العبد التفت على رغد ومسك دقنها وقال بصوته الخشن المرعب : كلي ........ يآبنت آلـ ........

رغد ودموعها بعيونها والينات يصارخون ارجعي ورا تعالي وش قعدك عنده ,, رغد وفيها الصيحه وهي توخر يده : وخر ايدك يا حقيير تستقوي على بنت

التفت عليها مرا ثانيه و فاتح يده عشان الكف ولا فجأه سيارت آلبدي قارد لفت عليهم وحدتهم وسيارت احمد من الجهه الثانيه أما اللي بالفان يوم شافو السيارتين هذولا لها على طول هربوا .. بس احمد دق على طلال صاحب السياره الثالثه اللي فيها كمالة شلته و خلاهم يلحقون الفان .

رغد على طول نزلت وفتحت الباب اللي ورا ونزلت صاحباتها المنهارات ودخلتهم آلـ أودي و أحمد خلآ واحد من أخويائه يوصلهم و البدي قارد بيرجعون بالكزس بعد ما يعلمون العبد شغله

رغد وهي تركب وترجف وقلبها بيطلع من مكانه وميته صياح على طول ضمت ميار اللي جنبها وهي ترجف وميار حالها اشين من حال رغد لأنها خايفه من أبوها لأنه عصبي جداً ولا يرحم بهذي الأشياء ومرام تصآرخ رجعوني آلبيت رجعوني البيت وكل وحده تغني على ليلها

رجعوا البيت وارتاحوا و رغد اخر وحده وصلها .

رغد : والله مرا شكراً اخوي والله ماكنت أبعرف كيف اتصرف المشكله انبليت بواحد ابن حرام مايفكر إلآ بنفسه حقيير

فهد : ولو أختي حنآ بآلخدمـه مآسوينـآ إلآ آلوآجب وأنـآ مآ أعتبرك إلآ اختي فهمني أحمد الموضوع ومعك حق بالكلام اللي قلتيه

رغد : اسمع ما ابي السالفه توصل للشرطه وسين وجيم ارجع وخلص الموضوع بسرعه وطمنوني الله يخليك ما ابي احمد يتضرر بسببي ..

فهد : ولآ يهمك مآطلبتي شي .. – وبعد دقايق – تفضلي

رغد : مشكوور مرا ثانيه - ونزلت –

.........................

الفان مسرع اكبر سرعه و سياره طلال خوي أحمد وراهم ..

نآيف : أقـول وقفوآ بس خلينـآ نوريهم شغلهم مآهم مفآرقين ذولآ

آلشبآب : إي وآلله ..

وقف آلفآن ونزلوآ آلشبآب مـن كـل آلسيآرتين مـن آلفآن 6 شبآب و مـن السيـآرهـ 5 شبآب وكـل وآحد أستلم وآحد ..

.......................

عند أحمد مسكوآ العبد وكفخوهـ و رموه في الشارع وعلى طول رآحوآ عند آلسيآره آلثآلثه آللـي كآنت بحآره بعيدهـ وفآضيه وقفوآ آلسيآرتين جنب هوندآ أكورد حقت طلآل

سعود : نآيف أمش آلفآن بسرعه يلآ

نآيف بخوف : جآيك جآيك

مشوآ وآلبآقي إنضربوا ورجعوآ آلبدي قآرد فـي آلكزس لأن رغد رجعت بآلأودي و أحمد جمع شلته ورآحوآ

........................

أول مارجعت أخذت شور سريع بعد اللي صار صراحه اليوم هذا مايتفوت كل المغامرات صارت فيه رغد بعد موقف احمد حست انه رجال يعتمد عليه صارت تحس في شي ماقد حست فيه لأحد يوم شافته واقف وييفتح لها الباب هي ماتحب ولا تفكر تحب تحس أنه أوله عذاب وأخره عذاب لها 4 شهور تكلم أحمد وهو يحبها وهي ماقد حست فيه تحس كل الشباب لعابين بس لو انه لعاب ليه دخل نفسه بمشكله لو وصلت الشرطه مايطلع و هوشات و خرابيط إلآ انه يحبها صدق وقعدت تفكر لين ماسمعت جوالها يدق طلعت بسرعه ولقتها ميار ابتسمت وردت ..

ميـآر : ألوووووووو يآجولييت والله روميو اليوم ماقصر

رغد : ههههههههههههههههاااااااي وآلله أحس أني فزت بمصآرعه

ميـآر : كلي تبن بغيت أنجلط يـوم دخل آلعبد وبعدين أنتي ماسويتي شي كله مـن أحمد يآحبيله والله ماتوقعته يكون جايب أمة محمد كلها ههههههههههههههههه

رغد : آآآآآآآآآآآآآآآه بس توهآ تطفي آلنـآر آللـي بصدري .. يلآ فآرقي بكلم حبيب ألبي آلحين قسم بآلله بعد آللـي سوآه ودي أبـوسـه مع رآسه

ميـآر : هههههههه خير جدك هو .. ؟

رغد : هههههههههههههه مدري

دقت على أحمد ..

رغد بسرعه : ألووووووووووووو يآبعدي أنت بسس وآلله أنك أحلى شي بآلحيآه وهـ تصدق لك أكبر هديه وبسوي لك حفله وأممممممم , وكل شي تبيه صراحه ماتوقعت تسوي كل هذا عشاني ياقلبي انت مـ ..

قاطعها أحمد وهو ضايق صدره بس فرحان لفرحة رغد : ولو رغد ماسويت إلآ الواجب انتي ماطلبتي شي أنـآ كلي لك.. ولا تسوين شي فرحتك تكفيني

رغد حست بنبره صوته فيها شي قالت : يالبى عيونك بس الله يحفظك لي

وفجأهـ سكتوآ ..



رغد : أحمد ..

أحمد : عيونه

رغد وردت خدوها : أمم , فيك شي .. ؟ , أحس أنك متضآيق .. ؟

أحمد : لآ حبيبتي وش دعوآ بس وآحد مـن أخويآي دخل ألمستشفىآ

رغد شهقت تحس أنه بسببها : وش صآر لـه عسىآ مآشر .. ؟

أحمد : لآلآ لآتخافين بس رضوض و إغمآء وصحىآ آلحمدلله

رغد تطمنت : إي أشوآ آلحمدلله على سلآمته ..

أحمد : آلله يسلمك

رغد فجأه تذكرت السواق قالت : أحممممممد نسيت أشوف آلسوآق هو بآلبيت ولآ لآ يلآ سكر بدق عليـه وأخليه يدخل بيتنآ بكلمه ..

أحمد : أوكـي بس بـرجع أدق عليك لأن مآرآح أنـآم إلآ لمآ تقولين لي قصـه

رغد : أمك أنـآ أقرآلك قصص

أحمد : روووووودي مآعلي آليـوم مآرآح أنـآم إلآ لمآ تقرين لي قصـه ولآ بقعد موآصل وأروح بكرآ آلجآمعه عيوني حمر

رغد : طيب طيب لآ تآكلني خلني أروح أشوف آلغبي هذآك وأرجع أكلمك ..

أحمد : أوكـي

رغد : سي يـوو (L)

......................

دقت عليه وقالت له يجي عند الباب خذت بوكها وعبايتها ونزلت شوي شوي لحد يشوفها لقته واقف عند الباب طلعت وسكرت الباب بشويش

رغد : اسمع اعتبر نفسك اليوم ماشفت شي سآمع .. ؟

آلسوآق : طيب بس هذآ شبآك أنـآ فـي كسر إيش سوي ؟

رغد : قول مدري ولآ خربطلك خربوطه آلمهم أن طال لسانك و ابوي درا عن ربع السالفه ماتلوم الا نفسك فاهم !!

السواق : أوكـي مس رغد أنا مفهوم

رغد عطته فلوس عشآن يسكت و دخلت البيت وهي بالحوش سمعت صوت رجول تمشي لجهتها عرفت انه عبدالله وقاعد يكلم بالجوال و رغد خلاص ماتدري كيف يتفك نفسها من لسانه وأسألته

رغد لفت عبايتها وحطت الجوال فيها و رمتها بعييد وتسندت على الجدار < يقالها تصرف

عبدالله ناظرها ورفع حواجبه : وش جابك هنا .. ؟

رغد : أشم هوآ !!

عبدالله : أقـول أدخلي نامي الساعه ثنتين

رغد بسرعه : طيب تصبح على خير

عبدالله وهو يطلع جاء بيسكر الباب دق جوال رغد ( أحمد ) ..

رغد خلآص دمها وقف وبطنها يمغصها وشكلها بتدخل بدوامه محد بيطلعها منها و بذاك الوقت ماعرفت الا تدعي يارب استر يارب استر

عبدالله سمع دقت الجوال التفت لقا رغد واقفه وتسوي نفسها تدور على الجوال ,, وهي ذابته على الثيل ,, رغد ملآحظه أنه التفت بس قعدت تصرف خلاص بتمووت دموعها تجمعت في عيونها وجمدت في مكانها



· معقوله رغد صآرت تحب أحمد .. !!

· وش بيصير مع رغد و عبدالله .. ؟

· أحمد متضآيق عشآن وآحد مـن أخويآئه في آلمستشفى ولآ شي ثآني !!

ههههههههههههههههههههههههه
ياحبيلتس بس للأسف كل شي غلط عليك خخخ ..
منوره يا بعدي

كمـــــلي كمــــلي كمــــــــــلي تحمست

وكبري الخط الله لاايهينتس إنعمت عيوني

يلاا كملي والله تحمست

صراحه مرررررررره حلوه الروايه


تحمس يلا تكفين كمليها والله تحمست

اسفه والله طولت عليكم بس اعذروني من الدراسه وخرابيطهااا
يلا بس طولت لكم البارت شوي




( البارت السادس )

محمد طلع من المستشفى و عبدالله عنده في البيت , رغد وميار طالعين للمول يدورون لهم فساتين لملكه خالد ومها ..

بعد تعب ومشي تكسرت رجولهم وراحوا لكوفي يقعدون فيه ,, رغد سرحانه و تناظر جوالها و ميار تسولف معها بس ملاحظه شكل رغد ..

ميار تدور سالفه : أمم رغد امك في بيت خوالك صح ؟

رغد : إي ..

ميار : طيب لا تسلكين ..

رغد رفعت عيونها تناظر مها ببرود ورجعت تناظر الجوال ,, ميار حست ان رغد فيها شي طول اليوم وهي سرحانه وتسلك , حتى الفستان شرته أي كلام !!

ميار تناظر رغد بشك : رغد شيلي عيونك من الجوال وناظري فيني

رغد لا حياة لمن تنادي ..

ميار : رغددددددد هاتي الجوال اشوف وش اللي ماخذ عقلك – سحبت الجوال بسرعه – انصدمت ماتوقعت رغد منسجمه مع صورة احمد ..

ميار بصدمه : انتي لك ساعه تناظرين صورة أحمد ليه .. ؟

رغد ببرود : مدري ..

ميار : تستهبلين , تناظرينها بدون سبب ؟

رغد بنفس البرود : إي

ميار : رغد تكلمي أنتي مو كذا انا اعرفك يا رغد مستحيل تحبين انتي بنفسك قلتي لي مستحيل أحب , وبعدين ليش احمد بالضبط ليه .. ؟؟

رغد : ......

ميار سكتت شوي تدري ان رغد مستحيل تحب , قالت بخبث وهي عارفه الأجابه : لا يكون عشقانه يا بنت ..

رغد لفت وجهها عن ميار وضلت ساكته .. ميار انصدمت اللي توقعته ان رغد تعارض وتصارخ مثل كل مره ماتوقعت سكوت رغد على سؤالها

رغد لاحظت صدمت ميار وحبت تقولها كل شي .. خذت نفس بعدين قالت : ميار اسمعي اللي بقولك اياه وقولي لي وش اسوي وربـي أحس أني ضايعه ..







....







مها طايره من الفرحه اليوم ملكتها .. خالد مايدري يفرح ولا يتضايق اليوم بيرتبط بـ مهآ و ينسى شجون !

رغد لابسه فستان قصير مره توب بربري رمادي واسود وسندل كعب صغير رمادي مرا كيوت .. اما ميار لابسه فستان بينك ضيق ماسك على جسمها ومن ورا فتحه لنص الفخذ اما العروسه لابسه فستان احمر ضيق من عند الصدر و واسع من تحت ,, وساره لابسه فستان اوف وايت بذهبي وفيه فتحه للركبه ..

الكل فرحان لفرحتهم بس البنات بيفقدون مها بعد الزواج فعشان كذا متضايقين مها شعورها ما يوصف صراحه متوتره وفرحانه وخايفه بنفس الوقت .. اما خالد بارد بس فرحان لفرحت اهله ..

الحريم والبنات في الصاله , أما الشياب والشباب في المجلس , خالد ينتظر يشوف مها ويكحل عيونه بجمالها الفاتن وجمالها الصارخ بس قاعد بهدوء وببرود يفكر شلون بينسى شجون شلووون !! , بعد ما حبها و سلم قلبه لها كيف قبل يتزوج ويتركها ..

خالد في نفسه , انا غبييييي ليه ما قلت لأمي تخطبها لي بس المشكله شجونتي توها صغيره وماتبي تتزوج الحين .. بس حتى لو المفروض استناها مو تسرعت وقلت لأمي تخطب لي بس والله من شفت مها وضاعت علومي كنت بقول البنت ماعجبتني واسكت امي بس ما اقدر اروح على نفسي ملاك البراءه و الحيا .. سكت محتار ومايدري وش يسوي .

فجأه بندر نط عنده : أوهووه العريس من الحين ساحب علينا كيف لا اعرس

خالد بضحكه : كان ماتشوفون رقعت وجهي

عبدالله بأستهبال : يكون أحسن مانشوف وجهك , على الأقل تنفتح نفسي على الأكل

بندر مات ضحك و خالد ناظر عبدالله بنص عين : أي هين ان ماخليتك تصبح بوجهي وتمسي فيه ما اكون خالد

أم خالد دمعت عيونها تمنت شخص يكون في فرحتهم هذي كل مافرحت تمنت يكون موجود يكمل فرحتها يفرح معها وتسمع ضحكته .. بس مو هي لحالها تتمنى وجوده الا كل البيت فاقده ..

ميار حست بأمها عارفه وش تفكر فيه بالضبط ركضت عند امها عشان تغير جوها

ميار بضحكه مصطنعه : ماااااماااااا يلا قومي ورينا المواهب والهز المصري

امم خالد ابتسمت : انا راحت علي قومي انتي

رغد نطت عندهم : خالتي صحيح انك عجوز بس ماعليه يعني قومي ارقصي

ام خالد قامت وقرصت خد رغد بقوه وهي تضحك : والله طلع لك لسان يالنتفه

.........................

بعيد عن جو الوناسه والرقص , نجي عند اثنين متعذبين مايدرون وش يسوون أي قرار ياخذون يقدرون ينسون حبهم ولا ينتقمون منها على خيانتها لهم ..

احمد يفكر باللي قاله له نايف , انصدم من اللي سمعه ماتوقع تكون رغد كذا على كلام نايف .. كل حرف سمعه انصدم فيه صحيح انا كنت اكلم غيرها طلعت مع غيرها بس عمري ماحبيت غيرها هي اللي سلمت لها قلبي هذي رغد اللي كنت اخاف عليها من نفسها دايم احسها جوا قلبي ما ابيها تروح مني انا من يوم ماشفتها وانا عارف ان هذي اللي بتاخذ قلبي مني واشهق بأسمها .. بس !! رغد مو كذا انا اعرفها هي مو من هذا النوع مستحيل معقوله تستغل حبي لها لآ مستحيل , قاطعه مسج من تايف ..

......................

أبـو بندر : هاه يا ابو خالد متى ناوين تسوون الملكه والعرس ..

ابو خالد : والله مدري يا اخوي بشوف الوقت المناسب واخبرك ..

........... : مبروك مقدماً بس مين المعرس ؟

أبـو خالد رفع عيونه الصوت هذا مو غريب عليه , كان مششششتااااق لهذا الصوت ينتظر يسمعه من قريب .. اشتاق لشكله و هيبته

ابو خالد بصدمه : طلاااااااااااااال ؟

طلال ابتسم : أي يبه بشحمه ولحمه ,, وراح يسلم عليهم ,,

ابو خالد والعبره خانقته : يبه شلون جيت وليه ماعلمتنا اليوم اخوك بيملك ياولدي بارك له

طلال التفت لخالد : والله كبرنا يا خليدوه مبروووك

خالد الدنيا مو واسعته من الفرحه لآنه اكتمل بالتوأم حقه واكتملت فرحته : الله يبارك فيك عقبالك يا ابو خالد

طلال : خخخخخخخ اجل انت ابو طلال

ابو بندر : الله الله يا طلال فقدناك ياولدي زين انك جيت (كانو كلهم ساكتين مايبون يسألونه عن المرض يبونه هو يقول من نفسه )

طلال : يالله عن اذنكم بروح اسلم على الوالده

ابو طلال : اذنك معك ياولدي اذنك معك ..

................

رغد : بنااات تخيلوا تخيلوا طلال فجأه يجي ويبارك لخالد ومها – مها تغير لون وجهها -

مادرت الا وحده تقرصها من فخذها بقوه رغد قامت تناقز منها

رغد : اااااااااااي يا حماره يعور وش ذا الاظافررر

ميار بصوت واطي : انتي هيه يعني مثلا مانبيه بس تدرين اذا طلال درا عن ملكة مها وخالد وش بيسوي و اذا مها عرفت انه جاء والله مدري وش بيصير , يعني انا وانتي ندري بسالفتهم حبيبتي ماله داعي كل العالم يدرون

رغد : عمى عمى كلتيني طيب بسسسسسكت

ميار : يكون احسن ..

.................................

قام يكسر التحف و يرجف الدرج والمكتب و يعض شفايفه قهررر ..

احمد : هذااا يستهبل لا اكييد يستهبل شلون يبيني اسوي كذا لا مو معقوله اسوي فيها كذا ااااااااااه يارب اااااااااه بسس

عند ناايف ..

قاعد على السرير مبتسم ..

نايف : والله محد ياخذ رغد غيري لا احمد ولا غيره هه والله عرفت يانايف وش تسوي دق جواله

نايف : هلا حبيبتي اخبارك ؟

.... : كويسه وأنت ؟

نايف : انا شعووري مايوصف صراحه فرحااااااااااان جعل اللي في بالي مستانس الحين مثلي

..... : أمم ومين اللي في بالك ؟

نايف بحب مصطنع : اكييد انتي

.....................

ساره : أقوول ميمي متى بتدخلين عند خالد .. ؟

مها : أمم مدري خايفه

ساره : اها خايفه اخوي طلع مفترس وياكل لحوم البشر ترا

مها : اوووه ياظرفك بس

ساره : هههههههههههه

مها : احسن شي اطلع الحوش شوي بشم هوا

ساره : تشمين هوا ولا تدقين على خالد عشان يجي هاه

مها تصارخ : انطمممممممييييييييييي

ساره : ههههههههههههههه ليه المتزوجات دايم اعصابهم تلفانه

طلعت مها الحوش بعد ماعصبت فيها ساره رفعت راسها شافت واحد معطيها ظهره خافت على بالها احد بس عرفت الجسم جسم خالد بس استغربت ليه لابس شماغ مو غتره مثل العاده راحت تمشي شوي شوي لعنده ,, وهذا طلال اللي كان خايف يدخل قاعد يدق على البيت يبي امه تطلع له عشان يسلم عليها

مها وقفت وراه وقالت بصوت قريب من الهمس وهي ميته حيا : خالد

طلال جمد مكانه ماقدر يلف لايمين ولا يسار قعد على هالهيئه فتره بعدين التفت شوي شوي و مها خافت خايفه يكون مو خالد مع انها متأكده 100% شافت نص وجهه من الجهه اللي فيها حبة خال تحت فمه من جهة اليسار هذي الحبة عند طلال بس وهي الشي الوحيد اللي يفرقون فيها

جمدت مكانها بعد ماشهقت شهقه طويله من قلب .. طلال وقف يناظر فيها هذي مو ميار ولا ساره مين اللي تجي تناديه بأسمه يعني .. بس هذي اكيد خطيبة خالد اخوي اااااااه بس تذكرني بمها نفس الطول والعيون والله ياخالد عرفت تختار .. مها من قوة الصدمه ماعرفت تتحرك واقفه مكانها مثل الصنم دموعها نزلت هذا طلال اللي اخر واحد تمنته يكون موجود في ملكتها على اخوه ,,

ساره طلعت تدور مها شافتها واقفه راحت لها ركض تضحك على ميار ورغد وهم يستهبلون بالرقص

ساره : مهااااااااااااا

مها حمدت ربها جاء احد ينقذها من الموقف بس شكل ساره بدال ماتهدي الوضع زودته لأن طلال من يوم سمع اسم مها تلخبط انحاس انصدم صدمة عمره

طلال في نفسه , ايييييه هذي هي مها اللي انا جاي بس عشانها جاي ابيها لي طلعت صارت لغيري بس من !! طلع اخوي هذا اللي هو قطعه مني مثل ما انا قطعه منه توأمي اصلا وش تبي فيني مريض ومرضي ميؤس منه اكييد ماراح تقبل فيني بس ليه يامها لييه !!

اخذته الذكريات .. قبل لا يسافر و قبل لا يذوق مر الدنيا وقسوتها عليه وقبل لايعيش لحاله في ظلامها قبل لا ينعزل عن العالم واهله و احبابه عشان مايبي احد يشوفه يتعذب سافر يتعالج بس مافي أمل كمل دراسته وقال لأهله انه يتعالج يوم كمل اربع سنوات انقطع عنهم وكأنه قطع عن نفسه الهوا قعد سنه بدون مايكلمهم خايف كذبته تنكشف قلبه يعوره يوم يكلمهم ويكذب عليهم ..

سآرهـ : أوووهـ خربت الجو هههههههههههه

طلال تأكد 100% ان خالد خطب مها في هذي اللحظه , مها جامده ما عرفت وش تسوي

ساره لاحظت ان الوضع متوتر التفتت لطلال و انصدمت , قالت : طلااااااااااااااال ؟

مها على طول راحت تركض ودموعها بعيونهاا ..

طلال ابتسم لأخته : إي انا طلال

ساره دمعت عيونها : وينك يا حماااار اكرهك ياخي ليه سحبت علينا كذا هان عليك يا دب – وراحت ضمته – طلال احس اني احلم معقوله شفتك , لالالا ما اصدق طلال اخييراً حن قلبه وجااء

طلال بقلبه , بلاك ماتدرين وش اللي في اخوك يا ساره ..

طلآل : اسمعي سوير ابي تاخذين لي طريق ابي اروح غرفتي ارتاح شوي ..

.......................

ميار : رغد وين البنا ت ساره ومها ؟

رغد : مدري والله قبل عشر دقايق كانو هنا

ميار : طيب امشي فوق خلنا ندورهم عمى سحبوا علينا

رغد : افف مالي خلق روحي انتي وناديهم ..

ميار : يا سودااااااانيه

راحت ميار تدور بغرفة ساره وسمعت صوت من غرفة طلال القريبه من غرفة ساره ,, استغربت مين اللي يدخل غرفته بالهوقت , راحت على طول , لقت طلال معطيها ظهره ..

ميار : خالد وش تحس به باللهي قاعد هنا لحالك ؟

طلال ابتسم , ياحليلهم كلهم يحسبوني خالد : ابد ولا شي

ميار استغربت : صوتك متغير تعبباان تبي شي ؟

طلال التفت وابتسم ابتسامه عريضه : لا سلامتك

ميار كأن احد كب عليها مويا بارد : ط.. ط.. طـ..لآل ؟؟؟؟؟

طلال : أي حبيبتي بشحمه ولحمه

ميار ركضت تضمه وتضربه على صدره : هذي سوات تسويها يا المعفن – دمعت عيونها – والله يا اخوي اشتقنالك 4 سنين ماشفناك واخر سنه انقطعت عنا مدري انت وش مخلوق منه ..

طلال يمسح على راسها ومبتسم ياما تمنى يجي هاليوم و خواته يشكون له , بس هو مايقدر يشكي لأحد ..

...........................

أحمد ساكت ومبتسم تذكر ان هذا اليوم ملكت خالد ومها .. وتذكر يوم قال لرغد عقبالنا وضحكت مستحيه ,, رفع جواله ودق عليهاا

رغد كانت قاعده تنتظر ميار اللي لها سنه تدور البنات وسرحت تفكر وقطع عليها نغمة جوالها ,, ناظرت الرقم واستغربت .. أحمد !! هه ياسلام كل ماطرينا على باله دق .. حطته سايلنت و قعدت تفكر وش يبي وكذا ..

عند احمد ,, سكت شوي قال يمكن من الصجه ماسمعت .. قال يدق مره ثانيه ترد

رغد : ألـوو ..

أحمد : هلآ رغد

رغد : هلا فييك

أحمد : أخبارك ؟

رغد : تمام الحمدلله ..

- سكتوا فتره –

رغد بضحكه مصطنعه : ههههههه , زين طرينا على بالك

أحمد : والله اسف جتني ضروف وكذا

رغد : اها زيين , ابشرك بعد اسبوع بسافر

أحمد بصدمه : ويين ؟ , لييه ؟

رغد : تحقيق هو ؟ , بسافر وبس

أحمد : لا جد رغد قوليلي ويين بتسافرين

رغد : بروح جنيف

احمد : اهاا

سكر من عندها ودق على نايف يقوله عن سفرة رغد وانه مايقدر يسوي فيها شي ..

..............................

كلن رجع لبيته يرتاح بعد تعب يوم طويل .. خالد ومها مو لازم اوصف حالهم .. خالد بدى يتعلق بمها ووده كل دقيقه يشوفها ومها حالها متلخبط هالمره ماتدري وش تسوي من بعد شوفة طلال اما طلال اول ما طلعت ميار من عنده نام على طول من التعب ,, أما ميار اول مارجعت شافت فلم بعدين طلعت تنام ,, وساره مثل كل يوم قاعده على اللاب توب ,, أما رغد تحاول تنام تفكر وتفكر وتفكر وتفكر فكرت بأحمد !! , وفكرت بطلال بعد ماقالت لها ميار عنه وفكرت بنايف اللي فجأه هو واحمد غطوا وفكرت بالكذبه اللي كذبتها لأحمد عن السفره .. اخر شي قررت انها تسافر صدق !! , رغد في نفسها , والله بقول لأبوي بكمل دراستي عند خالتي بلندن احسن شي وافتك من هالمشاكل ..

.....

قام طلال بدري على الساعه 6 الصبح راح غسل وجهه ونزل تحت مالقا احد قال اطلع مع احد لما يقومون اهلي واسلم عليهم ..

دق على واحد من اخويائه ..

....... : الوو

طلال : هلا والله يالحبيب اخبارك ؟

...... : طلااااااااااااال !! هذا انت صح ؟ , رجعت يالتبن ولا قلت لي قبل استقبلك

طلال : ههههههههههه هدي ياخي , اقول بس تعال مرني من زمان عنك

....... : انشاءالله جايك مسافة الطريق بس

..............

خالد قام على صوت جواله المزعج ..

ناظر الرقم استغرب رقم غريب ,, كان بيطنش بس الفضول ذبحه ..

خالد : هلا

بأنفعال : اخيييراً ردييت , ليه ماترد على جوالي هاه ؟ , ليه ياخالد وش ناوي عليه بعد !!

خالد بصدمه : شجوون !!

شجون بصراخ : أي شجون ولا نسيتني بعد

خالد يارب وقتك غلط : اسمعي حبيبتي بفهمك السالفه طيب

شجون : وش تفهمني هاه خلاص معد في شي افهمه كل اغلاطك اسامحك عليها الا ذي !!

خالد باستغراب : وشو اللي الا ذي

شجون : لا ماتعرف مسكييين صح ؟

خالد بعصبيه : وشششو انطقيييييييييي

..................

هاااااه خلصت....


اذا ما خلصت كملي...

مشكوور حلوه على الروايه الحلوهـ

مشكوووره مس حلووه على جهدك الكبير والله اني ما ابي اتعبك واقول لك كملي لانك انتي والله حطيتي روايهطويله وحلوه....