أتمنى إن كل الأعضاء يردوا على هذا الموضوع"
قالوا لي إبتعد عنه ترى هو ما يبيك
قلت لهم والله ما أقدر أحبه وأغليه
قالوا لي راح تندم ويجي يوم وينسيك
قلت لهم أبى أتوسله وأرتجيه
قالوا لي ترى هو ماهو بشاريك
قلت لهم مو بمهم المهم أنا شاريه
قالوا لي يخونك ويجي يوم ويبليك
قلت لهم أحيا أموت ولا أشك فيه
قالوا لي في وقت صعيب يجيك؟
قلت لهم يجيني وأنا قبله أجيه
قالوا لي في وقت ضيقك يواسيك؟
قلت لهم يواسيني وأنا بحبي له أواسيه
قالوا لي هو يحبك ويغليك؟
قلت لهم يحبني ومن نهر حبي أسقيه
وبعدها
موضوع مميز عن شاعر سعودي
شاعر سعودي يقال له ابن الذيب كانت لديه استضافه في برنامج اذاعي في الامارات وكان الشخص المرافق له شاعر اماراتي اسمه جراح وبعد ما انتهت الاستضافه قام الشاعر الاماراتي جراح ودعا الشاعر ابن الذيب للعشاء ، ولبى ابن الذيب الدعوة لكنه لما ذهبوا للمكان وجد أن المكان عباره عن مرقص ولأن المكان لا يتناسب مع اخلاقيات ابن الذيب فقد جاء الاعتذار منه للمضيف وخرج ابن الذيب وتوجه لغرفته في الفندق وبعدها بفترة قصيره إذا بأحد موظفي الفندق يأتيه برساله من الشاعر جراح متضمنة أبيات يقول فيها
مرقص دبي اللّي له القلب يرتاح
حتى سلاطيـن الجزيـره تدلّـه
لاصار ما في شربة البن مصلاح
غرشه من الويسكي بفنجال دلّـه
وان كان يابن الذيب منته بمزاح
فانا عقدت الحبل وانتـه تحلّـه
هذي بدايـة معرفتكـم بجـراح
إما شربـت الكـاس والا فخلّـه
رد عليه ابن الذيب بقصيدة رائعة يقول فيها
ماهوب صح الله لسانـك ياجـراح
يكفـي مـن العلّـه ثلاثيـن علّـه
أنته وحكامـك هـل الكـاس لا لاح
والا سلاطيـن الجزيـره لا بـلّـه
حكام نجد اللّي ورا هضبـة رمـاح
ضلالهـم مثـل الجبـال المضلّـه
صغيرهم يلعب بكم لعـب مسبـاح
ويسـد فـاه أهـل القلـوب المغلّـه
إن مد كف الطيب ماهـوب شحـاح
والـى تعـزوا دولــةٍ مستقـلـه
مانيب أزكيهم من جـا ومـن راح
يمكن يجي في صفـة القـوم خلّـه
وان كان هرجك لي ولا انته بمزاح
يما حلا بعض الحكـي فـي محلّـه
ما نشرب إلا البن الأشقر إلى فـاح
والا حليب بكار فـي وسـط ملّـه
رجل وطموحي من ورا النجم لا لاح
أكبر من اني أشتهـر فـي المجلـه
يكفينـي مـن المعرفـه والتمـداح
إني إلى ضاقت علـي قلـت : يالله
الوضع ذا مزعجني ولا نيب مرتاح
بـروح واخلـي لـك دبـي كـلّـه
وسلامتكم ؛؛؛
موضوع: شاعر سعودي 
الإثنين ديسمبر 20, 2010 1:54 am
